(சமற்கிருதத்திற்குக் கூடுதல்  நிதி- சரிதானே!?-5 தொடர்ச்சி)

சமற்கிருதத்திற்குக் கூடுதல்  நிதி- சரிதானே!?

உரையின் எழுத்து வடிவம் 6

செம்மொழி நிதிநிலை அறிக்கைபற்றி வேறு சில தகவல்களும் சொல்ல வேண்டி இருக்கிறது. எந்த அளவிற்கு நிதிநிலை அறிக்கையில் இப்பொழுது மனிதவள மேம்பாட்டு துறை நிதி ஒதுக்கீட்டில் உள்ளவற்றைத்தான் பேச வேண்டும் என்று சொல்வார்கள். கல்வித் துறையில் வெவ்வேறு துறையில் நிதி ஒதுக்கீடு இருக்கிறது. சமற்கிருதத்தை வெவ்வேறு விதங்களில் வளர்த்துக் கொண்டிருக்கிறார்கள். தமிழ்நாட்டில் உள்ள சில அமைப்புகளின் முழக்கமே தமிழில் இல்லை. இந்தச் சாரண இயக்கம் கூடப் பாருங்கள் தமிழ் இருக்காது. அது மாதிரி குறைந்தது நாலைந்தாவது இருக்கும். கூடுதலாக இருக்கலாம். பார்வைக்குட்பட்டுத் தமிழாக இல்லை. கல்வித் துறையில் உள்ள முழக்கங்கள், திட்டங்களைப் பாருங்கள் அவை தமிழ் இல்லை சமற்கிருதத்தில் உள்ளன. இவ்வாறு திட்டங்களின் பெயர்கள் சமற்கிருதத்தில், முழக்கங்கள் சமற்கிருதத்தில், இவ்வாறு சமற்கிருதத்தை நாமே வளர்த்துக் கொண்டு ஒன்றிய அரசிடம் சமற்கிருதத்திற்கு எதிராக குரல் கொடுக்க முடியுமா? நமக்கு, அந்தத் தகுதி இருக்கிறதா பாருங்கள், சென்னை பல்கலைக்கழகம் எனத் தமிழில் சொல்கிறோம் ஆனால் யுனிவர்சிட்டி ஆஃப் மெட்ராசு தான் அது. ஏன்? உலக நாடுகளில் மிகச் சிறந்த உயர்ந்த பல்கலைக்கழகங்கள் எல்லாம் பெயரை மாற்றிக் கொண்டார்கள். இங்குள்ளவர்கள் மெட்ராசு தான் அது. மாற்ற மாட்டோம் என்று சொல்கிறார்களே, அப்படிச் சொல்பவர்களை இந்தப் பல்கலைக்கழகம் தூக்கி எறிய வேண்டாவா? தமிழ்நாட்டில் இருக்கும் உயர்நீதிமன்றம் பெயர் என்ன? கேரளாவில் கேரளா உயர்நீதிமன்றம், அரியானாவில் அரியானா உயர்நீதிமன்றம், பஞ்சாப்பில் பஞ்சாப்பு உயர்நீதிமன்றம். தமிழ்நாட்டில் மட்டும் ஏன் ஐ கோர்ட்டு ஆஃப் மெட்ராசு? இங்கு கூட நம்மால் தமிழைக் கொண்டு வர முடியவில்லை . இவ்வாறு நாம், தமிழை அடிப்படையில் கொண்டு வர முடியாத நாம், தமிழ்பற்றி உணர்வை-உண்மையான உணர்வை மக்களிடம் பரப்பாத நாம், அந்த உணர்வை உண்மையிலேயே நம்மிடம் கொள்ளாத நாம், எப்படி ஒன்றிய அரசை நிதி ஒதுக்கித்தரச் சொல்ல முடியும்?

இன்றைக்கு இந்திபற்றி என்ன சொல்கிறார்கள்? விருப்பப் பாடம் என்று சொல்கிறார்கள். இது மிக மிகத் தவறானது. ஏன்? இளமழலைக் கல்வியிலே இந்தி இருக்கிறது. இந்தி மட்டும்தான் பாடம். அப்ப இந்தியிருக்கின்றது என்றால் அது கட்டாயப் பாடம் தானே! எப்படி விருப்பப் பாடம்? இந்தி மட்டும்தான் மொழிப்பாடமாக இருக்கும் போது அஃது எப்படி இருக்க முடியும்? இன்றைக்கு வரைக்கும் ஒன்றிய அரசின் பள்ளிகளிலே இந்திதான் இருக்கிறது. தமிழ் இல்லையே! ஏதோ அறிவித்திருக்கிறார்கள். ஒன்றிய அரசு, தொடக்கப் பள்ளிகள் எல்லாம் தமிழ் இருக்க வேண்டும் என்று. வருகிறதா என்று தெரியவில்லை. ஆக இந்த அரசு என்ன செய்து கொண்டிருக்கிறது. போராட வேண்டாமா? எதெதற்கோ போராடுகிறார்கள். இதற்கு ஒரு குரல் கொடுத்தால் என்ன? ஆக இவ்வாறெல்லாம் செய்யாமல் இதற்கெல்லாம் நிதி ஒதுக்கீடு இவ்வளவு ஆகும் என்று கேட்காமல் அஃதாவது எப்படி என்றால் சில தமிழ்நாட்டு அரசின் திட்டங்கள், கல்வி என்று பொதுவில் கொண்டு வந்துவிட்டால் சில ஒன்றிய அரசின் திட்டங்கள், சில முழுக்க முழுக்க ஒன்றிய அரசு திட்டங்கள், என்று நாம் திட்டங்களை வகுத்துக் கொடுத்து அதற்கான நிதி உதவி கேட்க வேண்டும். அவ்வாறு கேட்டோம் என்றால்தான் நாம் பெற முடியும், பெறாவிட்டால் அப்போது நாம் குரல் கொடுக்கலாம்.

அதேபோன்று செம்மொழி அறிஞர் விருது பற்றி பல்வேறு கருத்துகள் இருக்கின்றன. முதலில் குறிப்பிட்டது போன்று தமிழை உயர்தனிச் செம்மொழி என்று ஓர் அறிவிப்பு கொடுக்க அரசைக் கேட்டு வாங்க வேண்டும். ஏனெனில் செம்மொழி என்று சுண்டல் கொடுத்தது போதும் எங்களுக்கு. தமிழ் ஓர் உயர்தனிச் செம்மொழி என்ற தகுதியைக் கொடுங்கள் என்று கேட்க வேண்டும். அவ்வாறு கேட்டோம் என்றால்தான் நமது தமிழுக்கு உண்மையான சிறப்பு, உண்மையான பெருமை என்பது கிடைக்கும். அடுத்தது செம்மொழி தமிழறிஞர்களுக்கு வாழ்நாள் பண உதவி தரவில்லை அல்லவா? நாடாளுமன்றத்திலேயே ஒன்றிய அமைச்சர் கொடுப்பதாக அறிவித்தார் அல்லவா? ஒரு பெண் அமைச்சராய் இருந்த சில ஆண்டுகள் அறிவித்தார்கள். தரவில்லையா தரப்படுமா என்பதற்கு நமக்கு மறுமொழி கொடுக்காமல் தரப்படும் என்று அறிவித்ததும் ,அதற்குப் பிறகு காணவில்லை. இங்குள்ள செம்மொழி அலுவலகத்தில் கேட்டால் அப்படியா அப்படி இருக்கிறதா என்று தான் கேட்டார்கள் அவர்கள் அனுப்பியதை என்ன செய்வது, அதைப் பற்றி அமைதியாக இருந்து விட்டார்கள். ஆக உடனடியாக நாம் மூத்த தமிழறிஞர் வாழ்நாள் விருதையும் பெற முனைய வேண்டும்.

(தொடரும்)

இலக்குவனார் திருவள்ளுவன்

இணைய வழி உரையின் எழுத்தாக்கம்

13.07.2025