(வெருளி நோய்கள் 624-628:  தொடர்ச்சி)

வெருளி நோய்கள் 629-633

629. கணிவிசைச் சிதைவு வெருளி- Artfdhhvhuioacedghbd78wegwbgcyghrdbuyvhbdfghcvfdcujbndfuyvcgrbefuyg4rtf5rg7uyfgvtbdfuyvjhcgbrdsuyfgqw3beufykudgsduyjcgwbeduykfgvbrhgtgjmndfgbnuykujntyettu7yjhu6y76uuyjtyphobia / Phobia of keyboard smashing
இவ்வெருளியின் பெயர், பெயரிலேயே புரிந்து கொள்ளும் வகையில் விளக்கப் படம் போல் உள்ளது. எனினும் எளிமை கருதி ஆங்கிலத்திலும் குறிக்கப்பட்டுள்ளது.
கணிப்பொறி விசைப்பலகையில் ஏற்பட்ட சிதைவு காரணமாக எழுத்துகள் தாறுமாறாக வருவது குறித்த பேரச்சம் கணிவிசைச் சிதைவு வெருளி.
00
 630. கணிணி வெருளி-Cyberphobia/Logizomechanophobia/Computerphobia
கணிணி அல்லது புதிய தொழில்நுட்பம் குறித்த தேவையற்ற அச்சம் கணிணி வெருளி.
ஆசிரியர்களுக்குப் புதிய முறையில் கற்பிப்பது என்பதால் கணிணி மீது அச்சம் வரலாம். மாணவர்களுக்குப் புதிய முறைக்குத் தாங்கள் தகுதியில்லை என்ற எண்ணத்தால் அல்லது வாழ்க்கைக்குப் புதிய கணிநுட்ப முறை தேவையில்லை என்று கருதுவதால் கணிணி மீது வெறுப்பும் அச்சமும் ஏற்படலாம். பணியாளர்களுக்குப் புதிய முறையைக் கற்றுக்கொள்வதில் நாட்டமின்றிக் கணிணி மீது வெறுப்பும் அச்சமும் வரலாம்.
19 ஆம் நூற்றாண்டில் இயந்திரங்கள் தொழிற்சாலைகளில் அறிமுகப்படுத்தப்பட்டபொழுது பெரிய எதிர்ப்பு எழுந்தது. அதுபோல் கணிணியை அறிமுகப்படுத்தினால் வேலைவாய்ப்பு பறிபோகும் என்று அஞ்சி வெறுப்பவர்களும் உள்ளனர்.
log என்னும் கிரேக்கச் சொல்லின் பொருள் பேசு அல்லது சொல்.
 machano என்னும் கிரேக்கச் சொல்லின் பொருள் எந்திரம்.
00
631. கணிணிமாற்று வெருளி – Cybertronaphobia
 சீருந்து கொடும் இயந்திரனாக(Giant robot) மாறுவதாக அறிவுக்குப் பொருந்தாமல், நகைச்சுவையாகத் தோன்றும் வரம்பற்ற பேரச்சம் கணிணிமாற்று வெருளி.
இதனைப் பதின்மூன்றாம் எண் வெருளி(triskaidekaphobia)யுடனும் கோமாளி வெருளி(coulrophobia)யுடனும் தொடர்புடையதாகக் கூறுகின்றனர்.
00
 632. கண் வெருளி-Ommetaphobia/Ommatophobia
கண்ணில் நோய்வரும், கண் பாதிப்புறும், கண்பார்வை இல்லாமல் போகும் என்றெல்லாம் கண்களைப்பற்றிக் காரணமின்றி அஞ்சுவது கண் வெருளி. 
சிலருக்குப் பிறரின் காதல் பார்வை, காமப்பார்வை, சினப்பார்வை, கொடும்பார்வை போன்றவற்றால்கூடக் கண்கள் மீது அச்சம் வரும்.
 ommato என்னும் கிரேக்கச்சொல்லின் பொருள் கண்
00
 633. கண்ணாடி வெருளி – Gleymophobia/ Matogyaliphobia/ Matogyaliaphobia
 மூக்குக் கண்ணாடி எனப் பெறும் கண்கண்ணாடி குறித்த வரம்பற்ற பேரச்சம் கண்ணாடி வெருளி.
இங்கே கண்ணாடி என்பது மூக்குக் கண்ணாடியைத்தான் குறிக்கிறது. கண்பார்வைக் குறைபாட்டிற்கான ஆடி என்றாலும் மூக்கு தாங்கி நிற்பதால் மூக்குக்கண்ணாடி என்கிறோம்.
கண்ணாடி அணிந்தால் முதுமையாக அல்லது அகவை கூடியுள்ளதாகக் காட்டும் என்று பலர்  – குறிப்பாகப் பெண்கள் மூக்குக் கண்ணாடி குறித்து அளவு கடந்த பேரச்சம் கொள்கின்றனர் சிலர்.
00 

(தொடரும்)

இலக்குவனார் திருவள்ளுவன்

வெருளி அறிவியல் 2/5