(வெருளி நோய்கள் 489-493: தொடர்ச்சி)

வெருளி நோய்கள் 494-498

  1. எதிரொளிப்பு வெருளி – Antanaklophobia/Acatoptrophobia

எதிரொளிப்பு குறித்த வரம்பற்ற பேரச்சம் எதிரொளிப்பு வெருளி.
கண்ணாடி தவிர, நீர்ப்பகுதி, பளபளப்பான பகுதி முதலிய பிறவற்றில் எதிரொளிப்பது குறித்து மிகை பேரச்சம் கொள்கின்றனர்.
00

  1. எதிர்கால வெருளி – Futurephobia

எதிர்காலம் குறித்து அளவுகடந்த பேரச்சம் கொள்வது எதிர்கால வெருளி.
பேரிடர், நேர்ச்சி போன்றவற்றால் யாரையோ எதையோ இழந்தவர்களுக்கு எதிர்கால வெருளி மிகுதியாக வருகிறது.எதிர்காலம்பற்றிய அச்சம், நம்பிக்கையின்மை, தன்னம்பிக்கையின்மை போன்றவற்றால் எதிர்கால வெருளிக்கு ஆளாகின்றனர்.
00

  1. எதிர்ம எழுது பலகை வெருளி – Boogieboardphobia

எதிர்ம எழுது பலகை(boogieboard) தொடர்பான அளவுகடந்த பேரச்சம் எழுது பலகை வெருளி.
எதிருரு ஒளிர்வுக் காட்சி முறையில் எழுதப்பெறும் பலகையே இங்கு எதிர்ம எழுது பலகை எனக் குறிக்கப் பெறுகிறது.
அலை பலகையும் ‘Boogieboard’ என அழைக்கப்பெறுகிறது.
00

  1. எதிர்மறை எண் வெருளி – Neganumerophobia

எதிர்மறை எண் குறித்த வரம்பற்ற பேரச்சம் எதிர்மறை எண் வெருளி.
இலத்தீனில் negans என்றால் எதிர்மறை, numerus என்றால் எண் எனப் பொருள்.
00

  1. எந்திர வெருளி – Mechanophobia

எந்திரங்கள்/இயந்திரங்கள் குறித்த தேவையற்ற அச்சம் எந்திர வெருளி.
எந்திரங்களை விழிப்புடன், எச்சரிக்கையுடன் கையாளாமல் எந்திரத்தில் கை, கால் சிக்கி விடுமோ, எந்திரத்தால் இடர் வருமோ, இன்னல் வருமோ, உறுப்பு இழப்பு வருமோ, உயிருக்குக் கண்டம்/ஆபத்து வருமோ என்றெல்லாம் தேவையற்று அஞ்சுவோர் சிலர் உளர்.
mechano என்னும் கிரேக்கச் சொல்லின் பொருள் எந்திரம் / இயந்திரம்.
00

(தொடரும்)
இலக்குவனார் திருவள்ளுவன்
வெருளி அறிவியல் தொகுதி 2/5