வெருளி நோய்கள் 1071-1075

1071. சுடுநர் வெருளி – sniperphobia

மறைவான இடத்திலிருக்கும் ஒருவரால் சுடப்படுவோம் என்றுகாரணமற்ற அளவு கடந்த பேரச்சம் சுடுநர் வெருளி.

sniper என்றால் பதுங்கிச் சுடுநர். அஃதாவது பதுங்கி மறைவாக இருந்து குறிபார்த்துச் சுடுநர் எனப் பொருள். யாரும் மறைவாக இருந்து சுடுகிறார்களோ என்ற பேரச்சத்தையே குறிக்கிறது. போர்க்களத்தில் பதுங்கு குழியில் இருந்து யாரும் சுடுகிறார்களோ என்ற பேரச்சத்திற்கு ஆளாவதால் வெருளி உண்டாகிறது.

1072.சுட்டுரை வெருளி – Twitterphobia

சுட்டுரை குறித்த வரம்பற்ற பேரச்சம் சுட்டுரை வெருளி.

யாக்கு உடோர்சி(Jack Dorsey), நோவா கிளாசு(Noah Glass), பிசு தோன்(Biz Stone), இவான் வில்லியமிசு(Evan Williams) ஆகியோரால் சுட்டுரை(Twitter)2006 மார்ச்சில் உருவாக்கப்பட்டு, அதே ஆண்டு சூலையில் வெளியிடப்பட்டது.

எழுத்துரு வரம்பு, பகிர்வு வரம்பு போன்றவற்றால் சுட்டுரை பலருக்கு வெறுப்பைத் தந்தாலும் மிகுந்த பயனுள்ளதாகவும உள்ளது. எனினும் பொதுவாகப் பிற இணையச் செயலி அல்லது குமுகத்தளம் போல் இதன் மூலம் வங்கி எண், கடவுச்சொல் முதலான நமது கமுக்கச் செய்திகள் வெளியாகும் என்ற அச்சத்தில் பலருக்கு இது வெறுப்பையும் உண்டு பண்ணுகிறது.

பின் தொடருநர், வந்த செய்தி தவறானது என அறியாமல் பகிரும் அவலம் போன்றவற்றாலும் சிலர் கவலைகளும் வெறுப்பும் கொள்கின்றனர்.

1073. சுண்ணக வெருளி-Asvestiophobia

சுண்ணகச் சத்து தொடர்பான காரணமற்ற மிகையான பேரச்சம் சுண்ணக வெருளி.

Asvestio என்னும் கிரேக்கச் சொல்லிற்குச் சுண்ணகம் எனப் பொருள்.

1074. சுதைப் பலகை வெருளி – Fenbanphobia

சுதைப் பலகை குறித்த வரம்பற்ற பேரச்சம் சுதைப் பலகை வெருளி.

சுதைப்பலகையைத் துடைக்கும்பொழுது கையில் கீறல் ஏற்படுவதபோன்ற உணர்வாலும் பிறாண்டுவதுபோல் இருப்பதாலும் வெறுப்பு கொள்கின்றனர்.

1075. சுமோக்கி வெருளி – Smokeyphobia

சுமோக்கி(Smokey)கரடி என்னும் விளம்பர முத்திரை குறித்த வரம்பற்ற பேரச்சம் சுமோக்கி வெருளி.

சுமோக்கி என்பது பல்வேறு பொருள்களில் வரும ஒரு சொல். எனினும் இங்கே சுமோக்கி கரடியையே குறிக்கிறது.

சுமோக்கி கரடி( Smokey bear) என்பது அமெரிக்க வனப்பணியின் காட்டுத்தீத் தடுப்புப் பரப்புரையின் விளம்பர முத்திரையாகும். விளம்பர முத்திரையில் உள்ள கரடிப் படத்தைப் பார்த்தாலும் பேரச்சம் கரடியைப் பார்க்கும் பொழுது காட்டுத் தீயைப் பற்றி எண்ணி அதனாலும் வரும் பேரச்சம்.

புகைபோல் கரு நிறத்தில் தோற்றமளிக்கும் கரடி சுமோக்கி எனப்படுவதாகக் கொண்டால் இதனைப் புகைக்கரடி வெருளி என்று சொல்லலாம்.

கரடி வெருளி உள்ளவர்களுக்குச் சுமோக்கி வெருளி வரும் வாய்ப்பு உள்ளது.

வெருளி நோய்கள் 1071-1075: இலக்குவனார் திருவள்ளுவன்