(வெருளி நோய்கள் 1237 -1240 : தொடர்ச்சி)

வெருளி நோய்கள் 1241 -1245

  1. தாள் பிடிப்பி வெருளி – Syndetiraphobia

தாள் பிடிப்பி (paper clip) தொடர்பான அளவுகடந்த பேரச்சம் தாள் பிடிப்பி வெருளி.
இதனை முதலில் செம் நிறுவனத்திற்காக (Gem Company) உருவாக்கியதால் இதனைச் செம் பிடிப்பி என்று பொதுவாகச் சொல்வர். இதனை மடக்கூசி என்றும் சொல்வர். ஊசி என்பது துளைப்பது. இது துளைப்பதல்ல. ஒன்றுக்கு மேற்பட்ட தாள்களை இறுகப் பிடிப்பது. எனவே, தாள்பிடிப்பி என்பது பொருத்தமாக இருக்கும்.
00

  1. தாள் பை வெருளி – P🎈gronphobia

தாள் பை குறித்த வரம்பற்ற பேரச்சம் தாள் பை வெருளி.
தாள் பை ஈரம்பட்டால், நீண்ட நேரம் நிலைக்காது, தாள் பை வலுவான அல்லது நிறைய பொருள்களைத் தாங்கும் திறன் அற்றது, கிழிந்து போகும் என்பனபோன்ற காரணங்களால் தாள் பை மீதான பேரச்சம் கொள்கின்றனர்.
தாள் வெருளி(Papyrophobia) உள்ளவர்களுக்குத் தாள் பை வெருளி வரும்.
நெகிழிப் பை வெருளி(Plastophobia), காற்றுப் பை வெருளி(Anemobolsaphobia) காண்க.
00

  1. தாள் அம்பு வெருளி-Qagazusaqphobia

தாள் வானூர்தி/ தாள் அம்பு தொடர்பான அளவு கடந்த பேரச்சம் தாள் அம்பு வெருளி
ஆங்கிலத்தில் இதனை paper plane, paper aeroplane (UK), paper airplane (US), paper glider, paper dart எனப் பலவகையாகக் கூறுவர். நம் நாட்டில் இதனைப் பேச்சு வழக்கில் தாள் அம்பு என்பர். தாள் ஏவுகணை என்றும் சொல்வர்.
00

  1. தாள் வெருளி-Papyrophobia

தாள்(காகிதம்) மீதான தேவையற்ற, காரணமற்ற மிகுந்த வெறுப்பும் அச்சமும் தாள் வெருளி எனப்படுகிறது.
சிலருக்குத் தாளைத் தொடுவதற்கு அல்லது தாளில் எழுதுவதற்கு அல்லது தாளைக் கிழிக்கும் பொழுது அல்லது தாளைப்பற்றி எண்ணும்பொழுது தாள்மீது அச்சம் வருவதுண்டு.
papȳrus என்னும் இலத்தீன் சொல்லுக்கும் pயpuros என்னும் பழங்கிரேக்கச் சொல்லுக்கும் தாள் எனப் பொருள்.
00

  1. தானி இசைப்பி வெருளி – Jukeboxophobia

தானி இசைப்பெட்டி(Jukebox) குறித்த வரம்பற்ற பேரச்சம் தானி இசைப்பி வெருளி.
Juke என்பது பாடலும் ஆடலும் இணைந்த, சாலையோர உணவகத்தைக் குறிக்கும் தென் ஆப்பிரிக்கச் சொல். பாடலைத் தெரிவு செய்து இசைக்கச் செய்யும் தானியங்கிப் பெட்டியை இங்கே குறிக்கிறது. தானியங்கி இசைப்பெட்டி என்பதைச் சுருக்கித் தானி இசைப்பி எனக் குறித்துள்ளேன்.
இப்பொழுது Auto-rickshaw என்பதைத் தானி என்கின்றனர். எனினும் அது வேறு. தானாக இயங்கக்கூடியது தானி. அவ்வளவுதான்.
00

(தொடரும்)
இலக்குவனார் திருவள்ளுவன்
வெருளி அறிவியல் 3/5