(வெருளி நோய்கள் 629-633: தொடர்ச்சி)

வெருளி நோய்கள் 634-638

634. கண்ணாடி மேல் நிற்றல் வெருளி  – Stasihyelophobia

கண்ணாடி மேல் நிற்பது குறித்த பேரச்சம் கண்ணாடி மேல் நிற்றல் வெருளி.

கண்ணாடி உடைந்து விடலாம், கண்ணாடிமேல் நிற்பதால் உடைந்து கீழே விழலாம், காயம் படலாம் உயரத்தளத்தில் கண்ணாடி மீது நிற்பதால் ஏதும் எதிர்பாரா நேர்வு நிகழ்ந்து கீழே விழுந்து உயிர் இறக்க நேரிடலாம் என்பன போன்ற அச்சங்களுக்கு ஆளாகிக் கண்ணாடி மேல் நிற்றல் வெருளிக்கு ஆளாகின்றனர்.

சிகாகோவில் 1353 அடி உயரத்தில் உள்ள வில்லீசு கோபுரம் (Willis tower) போன்ற காட்சி இடங்களில் அல்லது பாலங்களில் அல்லது மேல் தளத்தில் கண்ணாடிப் பெட்டிகளில் அல்லது சில இடங்களில் கண்ணாடித் தளத்திலிருந்து சுற்றுப்புறத்தைப் பார்க்குமாறு அமைப்பு உள்ளது. இயற்கைக்காட்சி அல்லது நகர் அமைப்பைப் பார்க்கும் ஆர்வத்தில்  அல்லது வேலையின் பொருட்டு ஏறினாலும் பின்னர் அச்சம் வந்து விடுகிறது. இவ்விடங்களில் ஏற்பட்ட நேர்ச்சிகள்(விபத்துகள்) குறித்துக் கேள்விப்பட்டிருந்தாலும் கண்ணாடிமேல் ஏறிநிற்கும் அச்சம் வந்து விடுகிறது.

00

635. கண்டங்கள் வெருளி – Continentemophobia

கண்டங்கள் தொடர்பான அளவுகடந்த பேரச்சம் கண்டங்கள் வெருளி.

ஆசியா, ஆப்பிரிக்கா, வட அமெரிக்கா, தென் அமெரிக்கா, அன்டார்க்குடிக்கா, ஐரோப்பா, ஆத்திரேலியா என 7 கண்டங்களாக உலகைப் பிரித்துள்ளனர். எனினும் நான்கு அல்லது ஐந்து அல்லது ஆறு எனப் பகுப்பாரும் உள்ளனர். கண்டங்கள் பெயர்தல், இணைதல் போன்றவற்றால் அல்லது இவைபோன்ற செய்திகளால் கண்டங்கள் குறித்துப் பேரச்சம் கொள்கின்றனர்.

புவி வெருளி உள்ளவர்களுக்குக் கண்டங்கள் வெருளி வர வாய்ப்பு உள்ளது.

00

636. கண்டறியாமை வெருளி – Noninvophobia

கண்டறிய இயலாதது தொடர்பான அளவுகடந்த பேரச்சம் கண்டறியாமை வெருளி.

கண்டறியாமை என்பது இருப்பதை இழத்தல் அல்ல. வேண்டியதைக் கண்டு பிடிக்க முடியாமை.

invenire என்னும் இலத்தீன் சொல்லின் பொருள் கண்டிறிதல். Non என்றால் இல்லாதது.

00

 637. கண்ணாடிப்பொருள் வெருளி-Hyelophobia/ Hyalophobia/ Nelophobia

கண்ணாடிப்பொருள்கள் மீதான அளவு கடந்த பேரச்சம் கண்ணாடிப்பொருள் வெருளி.

மணிக்கல் வெருளி-Crystallophobia உடன் தொடர்புடையது.

hyel (hyal) என்னும் கிரேக்கச் சொல்லின் பொருள் கண்ணாடி

00

638. கண்ணாடிப் பந்து வெருளி – Perstilbospherphobia

கண்ணாடிப் பந்து குறித்த வரம்பற்ற பேரச்சம் கண்ணாடிப் பந்து வெருளி.

ஆடிப்பந்து உடைந்துவிடும் என்பனபோன்ற கவலைகளால் பேரச்சம் கொள்கின்றனர்.

Perstilbospher என்றால் ஆடிக் கோளம் அல்லது ஆடி உருண்டை எனப்பொருள். உருண்டை வடிவிலுள்ள பந்தினைக் குறிக்கிறது.

00

(தொடரும்)

இலக்குவனார் திருவள்ளுவன்

வெருளி அறிவியல் 2/5