நடமாடுகின்றன தெய்வங்கள் மனித உருவில்  காலன் வீசும் பாசக்கயிற்றைக் கத்தரிக்கோல் கொண்டு கத்தரிக்க முயலும் மருத்துவத்துறைக்கு மனமார நன்றி!.   கூலிக்கு மாரடிக்கவில்லை புரிகிறது…………கூலி வாங்கிட இருப்போமா தெரியவில்லை!?.   மயானம் நிரப்பும் போராட்டம் தியானம் புரியும் கிருமிகள் சயனம் மறந்த மருத்துவம் சகலமும் கல்வி மகத்துவம்   நலவாழ்வுத்துறை மட்டுமே சுழலச், சுருண்டு போயின பல துறைகள்   எல்லாம் தனித்திருக்க தன்னை யிழந்த மனிதனோ படித்துறையில்   கடவுள் கல் எனப் புரிகிறது! மனிதம் புனிதம் ஆகிறது   நோயைத் தீர்க்க…

மகுடைக்குக் காலன்!   தனித்திருக்கிறேன் விழித்திருக்கிறேன் பொறுத்திருக்கிறேன் வெறுத்திருக்கிறேன்!   காலனாக வரும் மகுடைக்குக் காலனாகக் காத்திருக்கிறேன்!   என்னைத்தொற்றும் நோய்மி என்னோடு அழியட்டும்! என் உயிரைக் குடிக்கும் அதன் உயிரைக் குடிக்கிறேன் நான்!    என் தலைமுறைக்காக என் தலை வீழத் தயங்கேன்!   என்னுயிரோடு இந்நோய்மி  இறக்குமாயின் மண்ணுயிர்க்கிரையாய் மாண்டிடத் துணிகிறேன்!   மகுடையைக் கொல்லத் தனித்திருப்போம் விழித்திருப்போம் காத்திருப்போம்!   இவண் ஆற்காடு க. குமரன் 9789814114

மகுடை(கொரோனா)த் திண்டாட்டங்கள் கோடை விடுமுறைக் கொண்டாட்டங்கள் மகுடை(கொரோனா) விடுமுறைத் திண்டாட்டங்கள் அலுவலகம் செல்லாமல் அறையில் முடங்கிக் கிடக்கும் அப்பா அடுப்பங்கரையில் விடுமுறை இன்றி உழைத்துக் கொண்டிருக்கும் அம்மா ஓயாமல் உளறிக் கொண்டிருக்கும் தொலைக்காட்சி தேர்வு தொலையட்டும் என வேண்டாத தெய்வமில்லை வேடிக்கை பார்க்கும் புத்தகங்கள் வெளியில் செல்லலாம் என்றால் விரட்டுகிறது அரசாங்கம் முடங்கிக் கிடக்க சொல்லி முழங்குது தொலைக்காட்சி சிறகின்றிப் பறக்கும் கிருமி சிறையில் மக்கள் விடுமுறையிலும் ஒவ்வொரு வீடும் உயிர் விலங்குப் பூங்கா காப்பாற்றச்சொல்லிக் கதறினோம் கை கழுவி நகர்ந்தது அடுத்த அவசரச்…

மணிமுடி நோய்மியே! அழித்திடு தீயரை!   ‘கொரோனா‘ வருதோ இல்லையோ கொஞ்சம் ஓய்வெடுக்கிறது கொள்ளி வாய்கள் அறிக்கை சொல்லாமல் அடக்கி ஆள்கிறது வாய்க்கவசம்   தூணிலும் துரும்பிலும் தூங்கும் கடவுள் தூங்கிக்கொண்டே தூதுவர்கள் தொல்லையின்றி   கொள்ளையர்களைக் கொண்டு போகட்டும் கொள்ளை நோய்   ஏழை உழைப்பாளியை ஏதூம் தீண்டுவதில்லை தீது நினையாதவனை யாதூம் நுகர்வதில்லை   ‘கொரோனாவே’ வருக. கொடியவர்கள் மடிய   துரோகிகளைத் தூக்கிலிடாது தூங்கும் மன்றம் தூசியாய் வந்து நீ தூக்கிலிடு   இல்லாத கடவுள் பெயரில் நில்லாத வன்முறை…

எழுதிக்கு ஏனோ மரணத்தண்டனை? தீர்ப்பு எழுதியதும் தீர்ந்துபோகும் எழுதுகோல்  கூர்முனை செய்த குற்றம் என்ன? குற்றவாளிக்குக் கூட ஆயுள் தண்டனை இதற்கேனோ மரணத் தண்டனை?   வாய்மையே வெல்லும் முழக்கத்தோடு காந்தி. கண்ணைக் கட்டிய நீதி தேவதை காற்றில் பறந்த நீதி!.   இவண் ஆற்காடு.க.குமரன் 9789814114

எழுதுங்கள்! வெற்றி உங்களுக்கே! ஆட்சியாளர்கள் தவறாமல் ஐந்தாண்டு படிப்பிக்கும் ஆட்சிப் பாடத்தையே புரிந்து கொள்ளாமல் தேர்தல் தேர்வில் தோல்வியடையும் வாக்காளர்கள்! வெற்றி தோல்வியை வரையறுக்கும் வேடிக்கைத் தேர்வு முறை!  தேர்வெழுதுங்கள்! தோல்விப் பயமின்றி  முதுமையடைந்தும் முடிவெடுக்கத் திணறும் மூடர் கூட்டமதில் முளைவிடும் தளிர்களே முடிந்த வரை முயலுங்கள்! வினாத்தாள் வினாக்களோடு விடைத்தாள் வெறுமையாய் உங்களுக்காக… மனத்தில் உள்ளதை எழுதாதீர்கள் பட்டறிவைப் பதிக்கத் தோன்றும் தேர்வு ஒரு பட்டறிவே பட்டறிவிற்கே   பட்டறிவா? மதியில் பதிந்ததை எழுதுங்கள் புதிய பாதை புலப்படும்! எல்லா வினாக்களுக்கும் விடையளியுங்கள் சரியா…