ஒவ்வொரு வரியில் இன்பத்துப்பால்!(1251-1260)-இலக்குவனார் திருவள்ளுவன்
(ஒவ்வொரு வரியில் இன்பத்துப்பால்! (1241-1250) தொடர்ச்சி)
ஒவ்வொரு வரியில் இன்பத்துப்பால்!
திருவள்ளுவர்
திருக்குறள்
காமத்துப்பால்
126. நிறை அழிதல்
(காமவேட்கையால் தன்னிலை இழந்து உரைத்தல்)
- நாணப்பூட்டு உள்ள நிறை என்னும் கதவைக் காமக்கோடரி உடைக்கிறது.(1251)
- என் நெஞ்சத்தை நள்ளிரவிலும் ஆள்கிறதே காமம்! (1252)
- காமம் மறைக்க இயலாமல் தும்மல்போல் வெளியாகிறதே!(1253)
- மன உறுதியை மீறிக் காமம் வெளிப்படுகிறதே (1254)
- பிரிந்தார் பின் செல்லா மான உணர்வை காமநோயர் அறியவில்லையே! (1255)
- நீங்கினார் பின் சேரச்செல்லும் காதல் எத்தகையதோ? (1256)
- விரும்பியவர் விரும்பியவற்றைச் செய்தால் நாணத்திற்கு இடமேது? (1257)
- தலைவனின் பணிவான பேச்சன்றோ பெண்மை உடைக்கும் படை. (1258)
- நழுவினேன் ஊடி; நெஞ்சமோ கூடச் சென்றது; நானும் தழுவினேன். (1259)
- தீயில் இட்ட நிணம்போல் உருகும் நெஞ்சுடையார் ஊடலை உரைக்க இயலுமோ! (1260)
Leave a Reply