(சட்டச் சொற்கள் விளக்கம் 956-960 : இலக்குவனார் திருவள்ளுவன் – தொடர்ச்சி)

சட்டச் சொற்கள் விளக்கம் 961-965

961. At sightகண்டவுடன்  

கண்ட நிலை    

காட்டியவுடன்‌  

பார்த்த உடன்  

“At sight” என்பது சட்டப் பிரிவிலும் நிதித் துறையிலும் ஒரு குறிப்பிட்ட பொருளைக் கொண்டுள்ளது.

சட்டப் பிரிவில், “at sight” என்பது ஒரு கடமை அல்லது பணம் செலுத்த வேண்டிய தேவை உடனடியாக நிறைவேற்றப்பட வேண்டும் என்பதைப் பற்றிக் குறிக்கும்.  

பணப் பரிமாற்றங்கள், ஒப்பந்தங்களில், “at sight” என்பது பணம் உடனே செலுத்தப்பட வேண்டும் என்று பொருளாகும். 

  ஒப்பந்தம் அல்லது பற்று வழங்கப்பட்டதும், உடனடியாகப் பணம் செலுத்தப்பட வேண்டும் என்ற விதி அல்லது விதிமுறையையும் குறிக்கும்.  

சட்டச் சூழலில் “at sight” என்பது ஒரு பற்று (bill of exchange) அல்லது ஒப்பந்தம் வழங்கப்பட்டவுடன் பணம் செலுத்தப்பட வேண்டும் என்பதைக் குறிக்கிறது.  

இந்தச் சொல், பணம் செலுத்துமாறு கோரிக்கை விடுக்கப்பட்டவுடன் உடனடியாகப் பணம் செலுத்தப்பட வேண்டும் என்பதைக் கூறுகிறது.  
நிதித் துறையில் “at sight” என்பதன் விளக்கம் – உடனடிப் பணம்.:   “at sight” மூலம் பணம் செலுத்தப்பட வேண்டிய தேவை உடனடியாக நிறைவேற்றப்பட வேண்டும்.  

பணப் பரிமாற்றங்கள், குறிப்பாகப் பற்று (bill of exchange) போன்ற ஆவணங்களில், பணம் செலுத்தப்பட வேண்டிய நாள் அல்லது காலக்கெடுவைக் குறிப்பிடாமல் உடனே செலுத்தப்பட வேண்டும் என்று குறிப்பிடப்படுகிறது.  

எடுத்துக்காட்டு:  

“The bill is payable at sight” என்று ஓர் ஒப்பந்தத்தில் கூறப்பட்டிருந்தால், அந்தப் பற்று (bill) வழங்கப்பட்டவுடன் உடனே பணம் செலுத்தப்பட வேண்டும் என்று பொருள்.  

பார்த்த உடன் சுடுதல்  

பயங்கரக் குற்றவாளி ஒருவர், தன்னைப் பிடிக்க வந்துள்ள காவலர்களையோ சுற்றிலும் உள்ள பொதுமக்களையோ அவர்கள் உயிருக்குக் கேடு விளைவிக்கும் வண்ணம் தாக்க முற்படுவார் என்ற அச்சத்தில் கண்டவுடன் சுடுதல் ஆணையைப் பயன்படுத்திச் சுடுதல்.  

கண்டதும் சுடுதல் என்பது மிகவும் அரிதான சூழ்நிலைகளில் மட்டுமே பயன்படுத்தப்படும்  விவாதத்திற்குரிய உத்தரவு. இந்த உத்தரவு காவல்துறை அல்லது பிற பாதுகாப்புப் படையினருக்கு உத்தரவை மீறும் எவரையும் எந்த எச்சரிக்கையும் இல்லாமல் அல்லது கைது செய்ய முயலாமல்  சுட அதிகாரம் அளிக்கிறது. அமைதிக்கும் பாதுகாப்பிற்கும் கடுமையான பொது அச்சுறுத்தல் இருப்பதாக அதிகாரிகள் உணர்ந்தால் அல்லது அவர்கள் உயிருக்குக் கேடுதரும் படையைப் பயன்படுத்துவது முற்றிலும் இன்றியமையாதது என்று கருதினால் மட்டுமே இது பயன்படுத்தப்படும்.  

On sight என்றும் கூறுவர்.  
962. At the beginning of the tenancyதொடக்கத்தில்‌  

முதலில்  

ஆரம்பத்தில் (ஆரம்பமும் தமிழ்ச் சொல்லே)  

சட்டச் செயல்முறைகளில், ஒப்பந்தங்களில், புலனாய்வுகளில் தொடக்க நிலையைக் குறிப்பது.  

சட்டச் சூழல் தொடர்பில் வலியுறுத்துவதற்காகத் தொடக்கத்தில் என்பது பயன்படுத்தப்படுகிறது.   எ.கா.   சட்டச் செயற்பாடு தொடங்குவதற்கு முன்னர்த் தொடக்கத்தில் ஒப்பந்தம் கையெழுத்திடப்பட்டது.  

உசாவல்(விசாரணை) மாதத்தின் தொடக்கத்தில் தொடங்கியது.  

செயல்முறையின் தொடக்கத்தில் தவறு நேர்ந்ததாக வாதிட்டார்.  

At the beginning of the tenancy – குத்தகையின்‌ தொடக்கத்தில்‌  

தொடக்கத்தின்/தொடக்க நிலையில்(In the beginning) என்பதற்கும் இதற்கும் வேறுபாடு உள்ளது. தொடக்கத்தின்/தொடக்க நிலையில்(In the beginning)  என்பது மிகவும் பொதுவானது, பெரும்பாலும் பிந்தைய சூழ்நிலையுடன் வேறுபடுவதற்கு அல்லது ஒரு காலக்கட்டத்தைக் குறிப்பிடுவதற்குப் பயன்படுத்தப் படுகிறது, அதே நேரத்தில் “தொடக்கத்தில்/At the beginning” என்பது மிகவும் குறிப்பிட்ட, நேரம் அல்லது இடத்தில் ஒரு துல்லியமான புள்ளியைக் குறிக்கிறது.  
963. At the hearingகேட்பின்போது  

உசாவலின்‌ போது  

ஒரு நீதிமன்றம் அல்லது பிற சட்ட அமைப்பு ஒரு வழக்கில் ஆதாரங்கள், வாதங்களை முறையாக ஆராயும் கட்டத்தைக் குறிக்கிறது.  
964. At the instance ofவேண்டியபடி  

வேண்டுதலின்‌ பேரில்‌  

கோரிக்கையின்‌ பேரில்    

சான்று நிகழ்வு ,   நிகழ்ச்சி  

எ.கா.   வழக்காடியின் வேண்டுகோளின்படி, எதிர்வாதிக்கு இழப்பீடு வழங்க நீதிமன்றம் உத்தரவிட்டது.
965. At the time and for the period his attendance is requiredஅவரது வருகை தேவைப்படும்போதும்‌ தேவைப்படும் கால அளவுக்கும்‌‌  

“கட்டாய வருகை” என்பது, ஒரு நீதிமன்றத்தில் வழக்கில் தொடர் புடையவர்கள்  கட்டாயமாக கலந்து கொள்ள வேண்டும் என்பதைக் குறிக்கிறது.  

attendance is required: “பயிற்சிக்குக் கட்டாய வருகை உள்ளது” என்பது பயிற்சிக்குக் கட்டாயமாக கலந்து கொள்ள வேண்டும் என்பதைக் குறிக்கிறது.

“இந்த கூட்டத்திற்குக் கட்டாய வருகை இல்லை, ஆனால் கலந்து கொள்ள விரும்புபவர்கள் கலந்து கொள்ளலாம்” என்பது, கூட்டத்தில் கலந்து கொள்ள வேண்டிய கட்டாயம் இல்லை, ஆனால் விரும்புபவர்கள் கலந்து கொள்ளலாம் என்பதைக் குறிக்கிறது.  

(தொடரும்)

இலக்குவனார் திருவள்ளுவன்