வ.உ.சிதம்பரனாரின் மெய்யறம் – 1.29. ஊக்க முடைமை

உயர்ந்ததை அடைய வேண்டும் என்ற (எண்ணமே) மன உறுதியே ஊக்க முடைமை ஆகும்.

ஊக்கமுடைமை உலகம் முழுவதையும் ஒருவனிடத்தில் கொண்டுவந்து சேர்க்கும் இயல்பு உடையது.

ஊக்கமிலாமை ஒருவனிடத்தில் உள்ளதையும் அவனைவிட்டு போகச்செய்யும் இயல்பு உடையது.

ஊக்கம் உடையவர்கள் உயர்ந்தவர்கள் ஆவர்.

ஊக்கமற்றவர்கள் சுவாசிக்கின்ற உயிரற்ற உடல்கள் ஆவர். அதாவது எதற்கும் பயனற்றவர்கள் ஆவர்.

286.உயர்ந்தவை யெவையோ வவையெலா முள்ளுக.

உயர்ந்தவை அனைத்தையும் அடைய எண்ண வேண்டும்.

அவற்றினுள் ஒன்றை அடைய விரும்புதல் வேண்டும்.

அதனை அடையும் வழிகளை எல்லாம் ஆராய வேண்டும்.

ஒவ்வொரு வழியிலும் உள்ள இடையூறுகளை ஆராய்ந்து அறிய வேண்டும்.

290. ஊறொழித் ததையுறு முபாயமுங் கருதுக.

அத்தகைய இடையூறுகளை நீக்கி நம் குறிக்கோளை அடைய உதவும் வழிகளைக் கண்டறிய வேண்டும்.

– வ.உ.சிதம்பரனார்