வ.உ.சிதம்பரனாரின் மெய்யறம் – 1.18 : புறஞ்சொல்லல் விலக்கல் :

மெய்யறம்

மாணவரியல்

18. புறஞ்சொல்லல் விலக்கல்

புறஞ்சொல்லல் என்பது ஒருவரை அவர் இல்லாதபோது இழிவாகப் பேசுதல் ஆகும்.

புறஞ்சொல்லல் அறத்தைக் கொல்லும் தீய செயல்களில் மிகக் கொடியது ஆகும்.

புறஞ்சொல்லல் பொய் முதலான குற்றங்களை வளர்க்கும் தன்மை உடையது.

புறஞ்சொல்லல் ஒருவனுக்கு விரோதிகள் ஏற்படக் காரணமாக அமையும்.

புறஞ்சொல்லல் கீழ்மக்களின் குணங்களுள் ஒன்று ஆகும்.

புறஞ்சொல்லுபவர்கள் அறத்தினைப் பேசுவது ஏமாற்று வேலை ஆகும்.

புறஞ்சொல்லும் இயல்பு உடையவர்களுக்கு அறத்தினைப்பற்றி எடுத்துக்கூறுவது அறிவற்ற செயல் ஆகும்.

புறஞ்சொல்லலைக் காதால் கேட்பதும் இழிவான செயல் ஆகும்.

புறம் பேசி உயிர் வாழ்வதைவிட இறத்தல் சிறந்தது ஆகும்.

புறஞ்சொல்லலை முற்றிலுமாக விட்டுவிடுதல் வேண்டும்.

வ.உ.சிதம்பரனார்