ஓ நந்திக்கடலே! – மட்டு மதியகன்

பார்வைக்காக விடப்பட்ட
போர்க்கருவிகள்
பாரிலிருந்து வந்த
இராணுவ மேதைகள்
மலைத்துப் போயினர்

கொள்ளிக்கட்டைகளாக
அள்ளி அடுக்கப்பட்ட
வித்துடல்களைச் சுமந்த
இயந்திர வண்டி

கொலைகாரக்கொடியவன்
இளம் பெண்ணை இழுத்து வருகிறான்
நிருவாணமாக வீரமாது
வித்தாகி விழுந்து கிடக்கிறாள்

படிந்த குருதியோடு
ஈரேழு வயதான எங்கள் பாலகன்
பசியால் ஏதோ சுவைக்கும் புகைப்படம்
பிஞ்சி மார்பில்
பஞ்சு ரவை வேட்டுககள்
ஏந்தியபடி வீரமரணம்

போர் வீரர்கள் அடுக்கப்பட்டுகிடக்கும்
அநியாயமான காட்சி
இறந்த மங்கையின்
மார்பில் நல் குலம் பெறாத
நாசிக்காரன் காலை ஊன்றிய
புகைப்படம்

உயிருக்காய்ப் போராடும் எம் இனத்துன்
அழுகுரல்கள்
அவர்களைக் காப்பாற்ற அலையும்
அருமைத் தோழர்கள்

ஒற்றுமையாய் ஓர் இனம் வாழ
விடிவுக்காய் வீர களமாடிய
வீரப்புதல்வர்கள்
கல்லறைகள்
சிதைக்கப்பட்டு கிடக்கின்றன

விடிந்த தேசத்துக்கு
இருள் தந்த இரண்டர்கள்
நடந்த படுகொலைக்கு
இவர்களே காரணம்

ஒப்பாரி சத்தம் கேட்டு
ஒ நந்திக்கடலே
ஏன் மௌனமாய்ப் போனாய்
போரலையாய்ப் பொங்கி வந்திருக்கலாமே!

 

நன்றி : http://www.lankasripoems.com/?conp=poem&catagoryId=200000&pidp=212049