தமிழையே பேசுக! தமிழையே சிந்திக்க!- மாகறல் கார்த்திகேயர்

தமிழை முன்னே நீ கற்க;

நின் மகனுக்குக் கற்பிக்க;

எவ்வளவு கூடுமோ அவ்வளவு கற்க;

கற்பிக்க; கேட்க; கேட்பிக்க;

இடையிடையே ஆங்கிலம்

கலந்து பேசற்க;

புகழ் நிமித்த மாகவும்

பொருள் நிமித்த மாகவும்

ஆங்கிலம் கற்றல் சிறப்பாகாது;

எப்போதும் தமிழையே

தெய்வம் போலவும்

நற்றாய் போலவும் சிந்திக்க;

நீ தமிழ் மயம் ஆனால்

நின்மக்களும் தமிழ்மயம் ஆவர்;

நின்குடியும் தமிழ் மயமாகும்.

நின் கை தமிழ்நூல் எழுதுக

நின் வாய் தமிழையே பேசுக

நின் மனம் தமிழையே சிந்திக்க

நோய் கொண்டு மெலியனாயின்

மருந்துண்டு வலியனாகித்

தமிழ் கற்க!

-மாகறல் கார்த்திகேய (முதலியா)ர்