திருக்குறள் அறுசொல் உரை – வெ. அரங்கராசன்: 055. செங்கோன்மை
(அதிகாரம் 054. பொச்சாவாமை தொடர்ச்சி)
02.பொருள் பால்
05.அரசு இயல்
அதிகாரம் 055. செங்கோன்மை
மக்களது நலன்களைக் கருதியே,
முறையோடு நடைபெறும் நல்ஆட்சி
- ஓர்ந்து,கண் ணோடா(து), இறைபுரிந்து, யார்மாட்டும்,
தேர்ந்து,செய்வ(து), அஃதே முறை.
ஆராய்ந்த, இரக்கம் காட்டாத
நடுநிலைத் தண்டனயே முறைஆம்.
- வான்நோக்கி, வாழும் உல(கு)எல்லாம்; மன்னவன்
கோல்நோக்கி, வாழும் குடி.
உலகம் இன்மழையால் வாழும்;
மக்கள், நல்ஆட்சியால் வாழ்வார்.
- அந்தணர் நூற்கும், அறத்திற்கும், ஆதியாய்
நின்றது, மன்னவன் கோல்,
அருளாளர் நூலுக்கும், அறத்திற்கும்,
அடிப்படை ஆவது நல்ஆட்சியே.
- குடிதழீஇக், கோல்ஓச்சும், மாநில மன்னன்
அடிதழீஇ, நிற்கும் உலகு.
மக்களை அரவணைக்கும் ஆட்சியார்
வழிகளில் மக்களும் நடப்பார்.
- இயல்(பு)உளிக், கோல்ஓச்சும், மன்னவன் நாட்ட,
பெயலும், விளையுளும் தொக்கு.
ஆட்சி இலக்கணப்படி, ஆள்வான்
நாட்டில், மழை,விளைவு நிலைக்கும்.
- வேல்அன்று, வென்றி தருவது; மன்னவன்
கோல்அதூஉம், கோடா(து) எனின்.
ஆட்சியர்க்கு வெற்றி, நல்ஆட்சி;
கோணும், வீழும் வல்ஆட்சி.
.
- இறைகாக்கும், வையகம் எல்லாம்; அவனை,
முறைகாக்கும், முட்டாச் செயின்.
நாட்டைப் பாதுகாக்கும் நல்லதோர்
ஆட்சியானை, பேர்அறம் பாதுகாக்கும்.
- எண்பதத்தான் ஓரா, முறைசெய்யா மன்னவன்,
தண்பதத்தான், தானே கெடும்.
எளிமையாகப் பேசான், ஆராயான்,
அறமுறை வழங்கான், கெடுவான்.
- குடிபுறம் காத்(து)ஓம்பிக், குற்றம் கடிதல்,
வடுஅன்று; வேந்தன் தொழில்.
குடிகளைக் காத்தல், குற்றத்தாரைத்
தண்டித்தல், ஆட்சியார்தம் கடமை.
- கொலையில் கொடியாரை, வேந்(து)ஒறுத்தல், பைங்கூழ்
களைகட்(டு) அதனொடு, நேர்.
கொடிய கொலையர்க்குக், கடிய
தண்டனை, களைஎடுப்புக்கு ஒப்பு.
-பேராசிரியர் வெ. அரங்கராசன்
Leave a Reply