(வெருளி நோய்கள் 1346 -1350 : தொடர்ச்சி)

வெருளி நோய்கள் 1351 -1355

  1. தென்னசி வெருளி – Tennesseephobia

தென்னசி மாநிலம் தொடர்பான அளவுகடந்த பேரச்சம் தென்னசி வெருளி.
தென்னிசி மாநிலம் ஐக்கிய அமெரிக்காவின் தென்கிழக்கு பகுதியில் அமைந்துள்ளது; எட்டு அமெரிக்க மாநிலங்களுடன் எல்லைகளைக் கொண்டுள்ளது.இம்மக்களின் வணிகம், நாகரிகம்,பண்பாடு,நடைமுறை மீது தேவையற்ற பேரச்சம் கொள்வோர் வெருளிக்கு ஆளாகின்றனர்.
00

  1. தேடு பொறி வெருளி – Googlephobia

தேடு பொறி குறித்த வரம்பற்ற பேரச்சம் தேடு பொறி வெருளி. தேடுபொறிகள் மூலம் நமது தனிப்பட்ட தகவல்கள் திருடப்படும் என்ற பேரச்சத்தால் தேடுபொறிகளை வெறுப்போர் உள்ளனர்.
கூகுள், யாஃகூ முதலான பல்வேறு தேடுபொறிகள் உள்ளன. சிலருக்கு எல்லாத் தேடுபொறிகள் மீதும் பேரச்சம் இருக்கும். சிலருக்கு குறிப்பிட்ட ஒரு தேடுபொறி அல்லது சில தேடுபொறிகள் மீது மட்டும் பேரச்சம் இருக்கும். எனவே, கூகுள் வெருளி என்று சொல்லாமல் பொதுவாகத் தேடுபொறி வெருளி எனக் குறிக்கப்பட்டது.
00

  1. தேட்டக வெருளி – Pectusspemophobia

தேட்டகம்(hope chest/ dowry chest / cedar chest /trousseau chest/glory box) குறித்த வரம்பற்ற பேரச்சம் பெட்டக வெருளி.
பெண்கள் சிறிது சிறிதாகச் சேமித்து வைப்பதைச் சிறுவாடு என்பர். தேட்டம் என்றும் இதனைக் குறிப்பர். திருமணம் ஆகும் முன்னர் மகளுக்கு வேண்டிய துணி மணிகள், அணிமணிகள் முதலியவற்றைச் சேமித்து வைக்கும் பழக்கம் பல நாடுகளில் உள்ளது. இவ்வாறு சேமித்து வைக்கும் பெட்டியையே – பெட்டகம் என்பதுபோல் – தேட்டகம் எனக் குறித்துள்ளேன்.
நம்பிக்கையுடன் காக்கப்படும் தேட்டகம், பிறரால் திறக்கப்படலாம், பாதுகாப்பாக இருக்கும் என வைக்கப்பட்ட பொருள்கள் திருடுபோகலாம், திருமண வாய்ப்பு தள்ளிப்போகும் பொழுது, சில துணிகள் நைந்து போகலாம் என்பன போன்ற தேவையற்ற அச்சங்கள் சிலருக்கு வரும்.

00

  1. தேண்ணி வெருளி – Dannyphobia

புனைவுரு மாயாவி தேண்ணி தொடர்பான அளவுகடந்த பேரச்சம் தேண்ணி வெருளி.
தேண்ணி பேந்தன்(Danny Phantom) பேய்களை எதிர்கொள்ளும் பாத்திரம். இதனால் தானும் அரைப்பேய்நாயகன்போல் விளங்கும். பேய்கள் மீதான அச்சம் உள்ளவர்களுக்குப் பேய் நாயகன் மீதும் அச்சம் வருவது இயற்கைதானே.
தேனியல் என்பதன் சுருக்கப் பெயர்தான் தேண்ணி.
00

  1. தேநீர் ஆக்க வெருளி – Fronsophobia

தேநீர் ஆக்குவது, கலப்பது தொடர்பான அளவுகடந்த பேரச்சம் தேநீர் ஆக்க வெருளி.
வெண்தேநீர்(White tea), பசுந்தேநீர் (Green tea), மஞ்சள் தேநீர்(Turmeric Tea), கருந்தேநீர்(Black tea) முதலான தேநீர்வகைகள் பல உள்ளன. மிகச்சிலருக்குப் பல முறைகளும் தெரியும். சிலருக்கு ஏதேனும் ஒரு முறை அல்லது இரு முறை தெரியும். பொதுவாக எந்த முறை தேநீர் ஆக இருப்பினும் அதைச் செய்யும் முறையை முன்னரே அறிந்திருந்தாலும் புதிதாக அறிந்து கொண்டிருந்தாலும் நன்றாகச் செய்வது குறித்துப் பேரச்சம் கொள்வோர் உள்ளனர்.
காண்க: தேநீர் வெருளி(Sagiouphobia)
00

(தொடரும்)
இலக்குவனார் திருவள்ளுவன்
வெருளி அறிவியல் 3/5