இந்தி ஒழிக! – பாவேந்தர் பாரதிதாசன்

தமிழ்வாழ்க தமிழ்வாழ்க என்று சொன்னான்

தாமரையின் வாய்மலர்ந்து தேனைப் பெய்தான்;

தமிழ் இதுபார் இன்றுதன் உள்ளங் காட்டி,

தன்னுயிரில் அதுகாட்டி, என்றன் தோளை

அமிழ்திதுவர எட்டியா என்று தொட்டாள்

அமிழ்தென்றேன் ஆம்என்றேன் மகிழ்ந்து நின்றேன்

கமழ்இமை கனியிதழும் தந்தாள் உண்டேன்

கண்திறந்தேன் வேறொருத்தி வருதல் கண்டேன்.

தமிழ்வீழ்க தமிழ்வீழ்க என்று சொன்னாள்

தமிழ்க்காதில் ஈயத்தை உருக்கி வார்த்தாள்

தமிழில்லை என்றுதன் உளத்தைக் காட்டி

தன்னுயிரிற் பகைகாட்டி என்றன் தோளை

அமிழ்திதுவா எட்டியா என்று தொட்டாள்

அப்பட்டம் எட்டிக்காய் அடியே என்றேன்

உமிழ் இந்தி நான் என்றாள்! ஒழிவாய் என்றேன்

ஒழிப்பவர்கள் ஒழிக்கட்டும் ஒழியேன் என்றாள்.