முற்றாய் எழுக முள்ளிவாய்க்கால் நாற்றாய்- பரணிப்பாவலன்
உற்றார் உறவுகள் உணவுக்காய் உடல்களை
விற்றிட பசியுடன் விழிகள் இரண்டும்
வற்றாக் கண்ணீர் வைகை ததும்பிட
கற்ற கரும்புலி காடையர் பிடியில்
சுற்றிய ஆடைகள் சுருங்கிச் செத்திட
புற்றாய் வீழ்ந்ததே புலிப்படை கோட்டை
கற்றை இனமாய் கதிர்கை இயக்கமாய்
வெற்றியை மட்டுமே விளித்த தமிழராய்
சாற்றியப் புகழுடன் சுற்றும் புவிக்குள்
மாற்றம் விதைத்த மறவர் கூட்டமாய்
சீற்றம் கொண்டு சிங்கள நாpகளைத்
தூற்றி யடித்தநம் தூயோர் எங்கே
தோற்ற மறியா தொல்குடி வேந்தரே!
கொற்றம் பிடிக்கவும் கொடுந்துயர் முடிக்கவும்
முற்றாய் எழுகவே முள்ளி வாய்க்கால்
நாற்றாய் முளைத்து நஞ்சகரை முடிக்கும்
காற்றாய்க் கனல்புனல் கலந்தக் கருவியாய்
ஏற்றம் கொண்டிட இன்றே கிளர்கவே!
Leave a Reply