(வெருளி நோய்கள் 1336 -1340 :  தொடர்ச்சி)

வெருளி நோய்கள் 1341 -1345

  1. தெரிந்திராமை வெருளி – Agnostophobia

அறியப்படாத ஆள், இடம், பொருள் முதலியன குறித்த அளவுகடந்த பேரச்சம் தெரிந்திராமை வெருளி.
முன்பின் அறிந்திராதவர்களுடன் பழகுவதால் இன்னல்கள் நேரலாம் என அஞ்சுவர். முன்பின் என்றால் முன்னரோ பின்னரோ எனக் கருதி எப்படி இது சரியாகும் என எண்ணுகிறோம். “முன்பின் செத்திருந்தால்தானே சுடுகாடு தெரியும்” என்றால் நமக்கு முன்னவரோ பின்னவரோ செத்திருந்தால்தானே சுடுகாடு சென்றிருப்போம் எனப் பொருள். அதுபோல் முன்பின் அறியாதவர்கள் என்றால் அவரது குடும்பத்தில் அல்லது வாழ்விடத்தில் அல்லது பணியிடத்தில் அவருக்கு முன்னவரையோ பின்னவரையோ அறிந்திருந்தால் இன்னாருக்கு இன்னார் என அறியவரும் பொழுது நம்பிக்கை வரும்.
தெரியாத இடங்களுக்குச் செல்வதால் இடர்ப்பாடுகளில் சிக்கலாம். அல்லது இதுவரை அறியப்படாத உணவை உண்பதால் ஒவ்வாமை, அல்லது வேறு நோய்வரலாம் என அஞ்சுவர். இதன்காரணமாகக் காரணமற்றுச்சிந்தித்துத் தெரியாமை வெருளிக்கு ஆளாகின்றனர்.
agnostos என்னும் கிரேக்கச் சொல்லின் பொருள் தெரிந்திராத.
00

  1. தெருவிளக்கு வெருளி – Streetlightphobia

தெருவிளக்கு பற்றிய பெருங்கவலையும் பேரச்சமும் தெருவிளக்கு வெருளி.
தெருவிளக்கு எரியவில்லை என்றால் இருட்டு வெருளியும் வந்து விடுகிறது. இருட்டில் திருடு, கொள்ளை, தாக்குதல், பாலூறு(Sexual attack) முதலியவை நேரும் என்று அளவுகடந்த பேரச்சத்திற்கு ஆளாகின்றனர்.
00

  1. தெலெடப்பி வெருளி – Teletubbyphobia

புனைவுரு தெலெடப்பி தொடர்பான அளவுகடந்த பேரச்சம் தெலெடப்பி வெருளி.
தெலெடப்பி(Teletubby) என்பது பிரித்தானிய சிறுவர் தொலைக்காட்சித் தொடர் ஆகும்.
அன்னி உடு, ஆண்டிரு தேவன்போர்ட்டு(Anne Wood and Andrew Davenport) ஆகிய இருவரால் பி.ஒ.நி.(பி.பி.சி.) நிறுவனத்திற்கு உருவாக்கப்பட்ட தொலைக்காட்சித் தொடர்.
00

  1. தெளிப்பி வெருளி – Sprinklerphobia

தெளிப்பி தொடர்பான அளவுகடந்த பேரச்சம் தெளிப்பி வெருளி.
புல் தரையில் பயன்படுத்தப்படும் நீர்த் தெளிப்பி மீதும் பேரச்சம் கொள்வர். கட்டடங்களில் அறைகளின் உச்சியில் பொருத்தப்படும் தீயணைப்புத் தெளிப்பி(fire sprinkler) மீதும் பேரச்சம் கொள்வர்.

00

  1. தென் உலூசன் நெடுஞ்சாலை வெருளி – Notioautodromophobia

தென் உலூசன் நெடுஞ்சாலை குறித்த வரம்பற்ற பேரச்சம் தென் உலூசன் நெடுஞ்சாலை வெருளி.
தென் உலூசன் நெடுஞ்சாலை (South Luzon Expressway-SLEX) என்பது தெற்கு மிகு விரைவுச்சாலை(South Superhighway-SSH), மணிலா தென்கோட்டச்சாலை(Manila South Diversion Road-MSDR), மணிலா தென்விரைவுச்சாலை(Manila South Expres என்றெல்லாம் அறியப்பட்டதாகும். பிலிப்பைன்சில் மணிலாப் பெருநகரையும்(Manila) கலபர்சான்(Calabarzon) மண்டலத்தையும் இணைக்கும் இரு மாநில இணைப்புச்சாலையாகும்.
00

(தொடரும்)
இலக்குவனார் திருவள்ளுவன்
வெருளி அறிவியல் 3/5